قصيدة: تاج الدلع والسناعة

تلقين كل الخير والزود قدام …
 يا سيدة تاج الحلا والسناعه …
يفداك راسي والبقا فيك مادام …
قلبي بصدرك ياغناتي وداعه …
حرام ما يملا ضميري من العام …
الا هواك اللي يزيد إلتياعه …
انتي وانا قصة غرام وتهيّام …
 وأخذت عن حب الصبايا مناعه …
عينك هدبها شوق وشفاتك أحلام …
 وخدّك جبين الشمس زايد شعاعه …
جيتك وانا مشتاق يا سعد الأيام …
 يا سيدة تاج الدلع والسناعه

Advertisements